आगामी आर्थिक वर्ष २०८३/०८४ को मौद्रिक नीतिमा समेटिनुपर्ने विषयका सम्बन्धमा संसदको अर्थ समितिले विज्ञ तथा सरोकारवालाहरूसँग छलफल गरेको छ ।
समितिले नेपाल उद्योग वाणिज्य महासंघ, बैंक तथा वित्तीय संस्था परिसंघ नेपाल, नेपाल बैंकर्स संघ लगायतसँग छलफल गरेको हो । छलफलमा नेपाल राष्ट्र बैंकका पूर्व कार्यकारी निर्देशकहरुको पनि उपस्थिति रहेको छ ।
सरोकारवालासँगको छलफल सकेपछि केही दिनमा समितिले नेपाल राष्ट्र बैंकका गर्भनर डा. विश्वनाथ अधिकारीलाई नै बोलाएर छलफल गर्ने बताएको छ ।
राष्ट्र बैंकले असारको अन्तिम हप्ताभित्रै आगामी आर्थिक वर्षका लागि मौद्रिक नीति सार्वजनिक गर्ने तयारी गरेको बताइएको छ ।
