उद्योग, वाणिज्य तथा आपूर्तिमन्त्री गौरीकुमारी यादवले वर्तमान सरकारले हेटौँडा कपडा उद्योग पुनः सञ्चालनका लागि वर्तमान सरकराले गृहकार्य गरिरहेको बताएकी छिन् । हेटौँडा औद्योगिक क्षेत्रको निरीक्षणमा पुगेकी मन्त्री यादवले हाल रुग्ण अवस्थामा रहेको हेटौँडा कपडा उद्योग पुनः सञ्चालनमा ल्याउनका लागि सरकारले आवश्यक तयारी अघि बढाइरहेको बताएकी हुन् ।
उनले उक्त उद्योग सञ्चालनमा आए मुलुकको आर्थिक विकासमा थप मद्दत पुग्ने वर्तमान सरकारको बुझाई रहेको र यहीँ बुझाईकै कारण यो कपडा उद्योगलाई चाँडै सञ्चालनमा ल्याउने तयारी भइरहेको बताएकी हुन् । उनले हेटौँडा कपडा उद्योग मात्रै नभई, पुनः सञ्चालनमा ल्याउन सकिने सबै रुग्ण उद्योगहरु सञ्चालनमा ल्याउने नीति लिइएको समेत बताएकी छिन् ।
आर्थिक विकास र रोजगारी सिर्जनालाई केन्द्रमा राखेर आगामी आर्थिक वर्षको बजेटमा रुग्ण उद्योग पुनः सञ्चालनको लागि बजेट विनियोजन गरिने मन्त्री यादवको भनाइ छ ।
