एनआईसी एशिया क्यापिटल लिमिटेडले आ.व. २०८०/०८१ को मुनाफाबाट शेयरधनीलाई ५२.५३ प्रतिशत नगद लाभांश वितरण गर्ने निर्णय गरेको छ। क्यापिटलको २०८१/०४/१६ गते सम्पन्न संचालक समितिको १४३औं बैठकले लाभांश वितरण गर्ने निर्णय गरेको हो ।
क्यापिटलले आर्थिक वर्ष २०८० / ०८१ को सञ्चालक समितिको वार्षिक प्रतिवेदन उपर छलफल गरि पारित गर्ने तथा संचालक समितिले प्रस्ताव गरे बमोजिम चुक्ता पूँजीको ५२.५३ प्रतिशत (कर सहित ) नगद लाभांश वितरण गर्न स्वीकृति प्रदान गर्ने लगायतका प्रस्तावहरु उपर छलफल गरि पारित गर्ने निर्णय गरेको हो । क्यापिटलले भाद्र ११ गते साधारणसभा बोलाएको छ । एनआईसी एशिया क्यापिटल एनआईसी एशिया बैंकको सहायक कम्पनी भएकोले यो लाभांश एनआईसी एशिया बैंकले पाउने छ ।
क्यापिटलले सातौं वार्षिक साधारण सभा सम्म आउँदा १८७.४७ प्रतिशत नगद लाभांश वितरण गर्न सफल भइसकेको जनाउदै आठौं वार्षिक साधारण सभामा पारितको लागि प्रस्ताव गरेको ५२.५३ प्रतिशत नगद लाभांश सहित २४० प्रतिशत नगद लाभांश वितरण गर्न सफल हुने क्यापिटलले उल्लेख गरेको छ ।
क्यापिटल आफ्नो सेवालाई सर्वसुलभ र प्रविधिको प्रयोग मार्फत ग्राहकहरु माँझ पुऱ्याउन ” अव लाईनमा होइन, क्यापिटलको सेवा Online मा” भन्ने मुल नाराका साथ अगाडी बढेको छ । क्यापिटलले आर्थिक वर्ष २०८०/०८१ को अन्त्य सम्ममा क्यापिटलबाट प्रदान गरिने अधिकांश सेवाहरु Online मार्फत लिन मिल्ने व्यवस्था मिलाइसकेको जनाएको छ।
यो पनि : एनआईसी एशिया क्यापिटलका ५ वटा म्युचुअल फण्डको लाभांश घोषणा, कुनको कति ?
