नेपाल उद्योग वाणिज्य महासंघको निर्वाचन अन्तर्गत अहिले मतगणना भइरहेको छ । एसोसियट उपाध्यक्षतर्फ जारी मतगणनामा प्रबलजंंग पाण्डेले अग्रता लिइरहेका छन् ।
निर्वाचन समितिका अनुसार हालसम्म १२ सय मत गणना भएको छ । जसमा पाण्डेले ६८५ मत पाएर अग्रता लिइरहेका छन् । प्रतिस्पर्धी ज्योत्सना श्रेष्ठले ५०५ मत पाएकी छिन् । श्रेष्ठभन्दा पाण्डे १८० मतले अगाडि छन् ।
अब ६३४ मत गन्न बाँकी छ ।
यस्तै, एसोसियटको महिलातर्फ अविज्ञा मल्ल र जुना माथेमाले अग्रता लिएका छन् । मल्लले ६८७ र माथेमाले ७१५ मत पाइसकेका छन् । उनीहरुका प्रतिस्पर्धी जमुना पौडेल ४६८ र शोभा ज्ञवालीले ४९९ मतसहित पछ्याइरहेका छन् ।
