नेपाल धितोपत्र बोर्डले आर्थिक वर्ष २०८३/८४ का लागि धितोपत्र बजारसम्बन्धी नीति तथा कार्यक्रमका लागि राय/सुझाव माग गरेको छ। बोर्डले आज सूचना जारी गर्दै सुझाव माग गरेको हो ।
आगामी आर्थिक वर्ष २०८३ । ८४ का लागि बजार सम्बन्धी नीति तथा कार्यक्रम तयारी गर्ने कार्य अगाडि बढेको अवगत गराउँदै बोर्डले बजार विकास, विस्तार तथा सुधार सम्बन्धी कार्यान्वयनयोग्य एवं रचनात्मक राय/सुझाव २०८३ जेठ १५ गतेभित्र बोर्डको इमेल ठेगाना [email protected] मा उपलब्ध गराउन भनेको छ ।
नेपालको धितोपत्र बजार तथा वस्तु विनिमय बजार (बजार) को व्यवस्थित तथा प्रभावकारी विकास तथा विस्तारका लागि बोर्डबाट प्रत्येक आर्थिक वर्ष बजार सम्बन्धी नीति तथा कार्यक्रम तर्जुमा पश्चात् सार्वजनिक गरी कार्यान्वयन गर्ने अभ्यास अवलम्बन गरिदैं आएको बोर्डले जनाएको छ ।
