सम्पत्ति शुद्धीकरण अनुसन्धान विभागको महानिर्देशकको जिम्मेवारी निर्मल ढकालले पाएका छन् । अर्थ मन्त्रालयले सह सचिव ढकाललाई महानिर्देशकको जिम्मेवारी दिएको हो ।
ढकाल यस अघि सोही विभागमा उपमहानिर्देशकको रुपमा कार्यरत थिए।
यस अघि विभागको महानिर्देशक रहेका गजेन्द्र ठाकुरलाई मन्त्रालयले तानिएको थियो। उनको श्रीमतीको नाममा विवादित दिपक भट्टको लघुबीमा कम्पनीको शेयर देखिएपछि ठाकुर मन्त्रालय तानिएका हुन् ।
हाल विभागले दिपक भट्ट र उनको समूहमाथि सम्पत्ति शुद्धीकरण सम्बन्धि अनुसन्धान गरिरहेको छ ।
