सर्वोच्च अदालतले नेपाल उद्योग वाणिज्य महासंघका निवर्तमान अध्यक्ष शेखर गोल्छालाई २४ घण्टाभित्र उपस्थित गराउन नेपाल प्रहरीको केन्द्रीय अनुसन्धान ब्युरो (सीआईबी)लाई आदेश दिएको छ ।
गोल्छाकी श्रीमती सीमा गोल्छाले दायर गरेको बन्दीप्रत्यक्षीकरणको रिटमा सुनुवाइ गर्दै सर्वोच्चका न्यायाधीश नृपध्वज निरौलाको एकल इजलासले यस्तो आदेश दिएको हो ।
सम्पत्ति शुद्धिकरणसम्बन्धी मुद्दामा अनुन्धानका लागि पक्राउ परेका गोल्छालाई हिरासतमा राखिएको छ । त्यसविरुद्ध गोल्छाकी श्रीमती सीमाले रिट दायर गरेकी थिइन् ।
