सरकारले त्रिभुवन विश्वविद्यालय अन्तराष्ट्रिय क्रिकेट ग्राउण्ड भत्काउने कुनै योजना नरहेको बताएका छन्। सरकारका प्रवक्ता एवं शिक्षा मन्त्री सस्मित पोखरेलले ग्राउण्ड भत्काउने योजना नरहेको बताएका छन्।
मन्त्री पोखरेलले आज बिहान मात्र आफुले त्रिभुवन विश्वविद्यालयका उपकुलपति, रजिष्ट्रार र रेक्टरसँग छलफल गरेको बताए। उनले छलफल सकारात्मक रहेको र रंगशाला खाली गराउने उदेश्य नरहेको बताए।
उनले भने ‘भाडा सम्झौता सकिएकोले भाडा सम्झौता फेरि गर्नु पर्ने छ, सकारात्मक कुराकानी भएको छ, नयाँ खालको भाडा सम्झौता सहित आउंछ, रंगशाला भत्किदैन, राज्यको यत्रो लगानी छ, भत्किने भत्काउने हुदैन।’
