बुद्धभूमि नेपाल हाइड्रोपावर कम्पनीको हकप्रदमा आवेदन दिने म्याद थप भएको छ । म्याद थप भएसंगै अब कम्पनीको हकप्रदमा वैशाख २८ गतेसम्म आवेदन दिन सकिने छ।
कम्पनीले चैत्र २२ गतेदेखि हकप्रद निष्काशन गरेको हो । कम्पनीले १:१ को अनुपातमा हाल कायम चुक्ता पुँजीको शतप्रतिशतले हुन आउने ४० करोड रुपैयाँ बराबरको ४० लाख कित्ता हकप्रद शेयर निष्काशन गरेको हो। शेयर निष्काशनको लागि एनआईसी एशिया क्यापिटल बिक्री प्रबन्धक रहेको छ।
कम्पनीले कम्पनीले हकप्रद निष्काशनको लागि फागुन १ गते बुक क्लोज गर्ने निर्णय गरेकोले माघ २९ गतेसम्म कायम शेयरधनीले मात्र कम्पनीको हकप्रदमा आवेदन दिन सक्ने छन् । नेपाल धितोपत्र बोर्डले माघ २१ गते कम्पनीलाई हकप्रद निष्काशनको अनुमति दिएको थियो।
