नेपाल आयल निगमले डिजेल, पेट्रोल, मट्टीतेल र खाना पकाउने ग्यासको मूल्य बढाएको छ । निगमले आज शुक्रबार बिहानदेखि लागु हुने पेट्रोलियम पदार्थको मूल्य बढाएको हो।
निगमले डिजेलको मूल्य पति लिटर २५ रुपैयाँ, मट्टीतेलको मूल्य प्रति लिटर २५ रुपैयाँ, पेट्रोलको मूल्य प्रति लिटर १७ रुपैयाँ, र खाना पकाउने ग्यासको मूल्य प्रति सिलिन्डर १०० रुपैयाँले बढाएको हो । यस संगै अब पेट्रोल प्रति लिटर २१९ रुपैयाँ, डिजेल प्रति लिटर २०७ रुपैयाँ र मट्टीतेल प्रति लिटर २०७ रुपैयाँ पुगेको छ। ग्यासको मूल्य १४.२ केजीको २०१० रुपैयाँ र ७.१ किलोको १००५ पुगेको छ ।
सरकारले भन्सार महसुल र पूर्वाधार विकास करमा नाममा उठाइँदै आएको शुल्कमा ५० प्रतिशत छुट दिए पनि घाटा कम नभएपछि मूल्य बढाउनुपरेको निगमले दाबी गरेको छ । आजको मूल्यवृद्धिपछि पनि निगमलाई पाक्षिक रूपमा करिब रु सात अर्ब ८१ करोड घाटा हुने निगमको दाबी छ ।
