प्रतिनिधिसभा सदस्यको शपथ ग्रहण गर्न पुगेका नवनिर्वाचित सांसद एवं अर्थविद् डा. स्वर्णिम वाग्लेलाई पत्रकारहरुले ‘बजेट कति लेख्नुभयो ?’ भनेर प्रश्न गरेका छन् ।
यसअघि राष्ट्रिय स्वतन्त्र पार्टी (रास्वपा)का सभापति रबी लामिछानेले पार्टीको एक कार्यक्रममा वाग्लेलाई भावी अर्थमन्त्रीका रूपमा प्रस्तुत गर्दै ‘डा. साब बजेट लेख्न थाल्नुुहोस्’ भनेका थिए । सोही विषय स्मरण गराउँदै पत्रकराले डा. वाग्लेलाई ‘बजेट कति लेख्नुभयो ?’ भनेर प्रश्न गरेका हुन् ।
जवाफमा उनले अहिले आफू सांसदको भूमीकामा मात्रै रहेको भन्दै भविष्यमा आउन सक्ने जिम्मेवारी र भूमीकाबारे अहिले नै नबोल्ने संकेत गरे ।
“त्यो भूमिकाका विषयमा पछि नै कुरा गरौँला, अहिले सांसदका रूपमा म इमानदार प्रयत्न गर्नेछु” उनले भने ।
