नेपाल उद्योग वाणिज्य महासंघको आसन्न निर्वाचनमा वस्तुगत तर्फको उपाध्यक्षका उम्मेदवार शिवप्रसाद घिमिरेले आफ्नो समूह तयार पारेका छन् । भावी अध्यक्ष अन्जन श्रेष्ठ समेतको समर्थन पाएका घिमिरेले आफ्नो टिमबाट चुनावमा प्रतिस्पर्धा गर्ने केन्द्रीय सदस्यका उम्मेदवार तयार पारेका हुन् ।
यस अनुसार अरनिको राजभण्डारी, रविन पुरी, राजकुमार कार्की, बसन्त चन्द्र मरहट्टा र रघुनन्दन मारु घिमिरेको प्यानलबाट महासंघको वस्तुगत तर्फको केन्द्रीय सदस्यमा चुनाव उठ्ने पक्का भएको छ । यसैगरी, सुनिता न्हेम्हाफुकी, होमप्रसाद घिमिरे, बिप्लव अधिकारी, धर्मराज सापकोटा र संघर्ष विष्ट पनि केन्द्रीय सदस्यको उम्मेदवार बन्दैछन् ।
धनप्रसाद लामिछाने, राजेश भक्त श्रेष्ठ, सरस्वती राई, एवा बहादुर थापा र विश्वनाथ खनाल पनि घिमिरेको टिमबाट केन्द्रीय कार्यकारिणी समिति सदस्यमा चुनाव लड्ने भएका छन् ।
वस्तुगत उपाध्यक्षमा घिमिरेसँग नरेशलाल श्रेष्ठले प्रतिस्पर्धा गर्दैछन् । श्रेष्ठले पनि केही दिनमा आफ्नो टिम घोषणा गर्दैछन् ।
