आईसीएफसी फाइनान्स लिमिटेडले ऋणपत्र निष्काशनको अनुमति पाएको छ। नेपाल धितोपत्र बोर्डले माघ २१ गते कम्पनीलाई ऋणपत्र निष्काशनको अनुमति दिएको हो ।
फाइनान्सले प्रति ऋणपत्र १,००० रूपैयाँ अंकित मूल्यमा ३ लाख कित्ताले हुन आउने ३० करोड रूपैयाँ बराबरको ऋणपत्र निष्कासनको अनुमति पाएको हो । यो ऋणपत्र मध्ये १ लाख ८० हजार कित्ता व्यक्तिगत तवरबाट बिक्री गरिने छ भने १ लाख २० हजार कित्ता ऋणपत्र सर्वसाधारणको लागि निष्काशन हुने छ। सर्वसाधरणको लागि छुट्टयाइएको १ लाख २० हजार कित्तामध्ये ५ प्रतिशत ऋणपत्र सामुहिक लगानी कोषका लागि छुट्टयाएको छ ।
वार्षिक ९ प्रतिशत ब्याजदर रहेको यो ऋणपत्रको अवधि ७ वर्षको नै रहेको छ । ऋणपत्र निष्काशनको लागि कुमारी क्यापिटल बिक्री प्रबन्धक रहेको छ ।
