काठमाडौँको ठमेलमा रहेको पर्पल हेज रक बार प्रालिले आर्थिक वर्ष २०८१/८२ मा २३ करोड २० लाखको ब्यापार गरेको छ। आर्थिक वर्ष २०८०/८१ को तुलनामा कम्पनीको ब्यापार १८.३७ प्रतिशतले बढेको हो। आर्थिक वर्ष २०८१/८१ मा कम्पनीको ब्यापार १९ करोड ६० लाख रुपैयाँ थियो।
गत तीन वर्षमा कम्पनीले करिब ३४ प्रतिशतको बिक्री वृद्धि हासिल गरेको छ। कम्पनीले गत आर्थिक वर्षमा आफ्नो कुल आम्दानी करिब ५१ प्रतिशत आम्दानी बियर बिक्रीबाट गरेको छ । करिब २२ प्रतिशत आम्दानी अन्य मदिराजन्य पेय पदार्थहरूबाट प्राप्त गरेको छ।
यस अवधिमा कम्पनीको डेप्रिसीएससन, ब्याज र कर अगाडीको संचालन नाफा ३५.१ प्रतिशत रहेको छ। जुन अघिल्लो आथिक वर्षमा १६.९ प्रतिशत मात्र थियो ।
सन् २०१२ मा स्थापितले ठमेलमा पर्पल हेजको नामबाट कन्सर्ट हलसहितको बार तथा रेस्टुरेन्ट संचालन गरिरहेको छ।कम्पनीको चुक्ता पुँजी १४ करोड रहेको छ। कम्पनीमा कृष्ण सेनको ८० प्रतिशत लगानी रहेको छ भने बाँकि २० प्रतिशत शेयर स्वप्निल शर्माको रहेको छ।
कम्पनीले ५७ करोड १८ लख ऋण लिनको लागि इक्रा नेपालसँग रेटिंग गराएको छ।
