नवनियुक्त मन्त्रीहरुले पद तथा गोपनीयताको सपथ ग्रहण गरेका छन् । नवनियुक्त चार मन्त्रीहरूले राष्ट्रपति रामचन्द्र पौडेलसमक्ष पद तथा गोपनीयताको सपथ लिएका हुन् ।
महाबीर पुन, जगदिश खरेल, अनिल सिन्हा र मदन परियारले पद तथा गोपनीयताको सपथ ग्रहण गरेका हुन् ।
जसमध्ये सिन्हाले उद्योग, वाणिज्य तथा आपूर्ति, कानुन न्याय तथा संसदीय मामिला र भूमिव्यवस्था, सहकारी तथा गरिबी निवारण मन्त्रालय, पुनले शिक्षा, विज्ञान तथा प्रविधि मन्त्रालय, परियारले कृषि तथा पशुपन्छी र खरेलले सञ्चार तथा सूचना प्रविधि मन्त्रालयको जिम्मेवारी सम्हालेका हुन् ।
प्रधानमन्त्री सुशिला कार्कीले मन्त्रिपरिषद विस्तार गर्ने क्रममा ४ जना मन्त्री थपेकी हुन् ।
