साउन महिनाभरको अवधिमा शेयरबजार परिसूचक नेप्से ६.४२ अंकले घटेको छ। समुहगत सूचकतर्फ भने ६ वटा समूहगत बढेका छन् भने बाँकि समूहगत सूचक घटेका छन् ।
साउनमा अदर्श समूहको सूचक सर्वाधिक १३.१० प्रतिशतले बढेको छ भने उत्पादन तथा प्रशोधन समूह ३.८३ प्रतिशत बढेको छ। म्युचुअल फण्ड समूह १.०९ प्रतिशत, ट्रेडिङ समूह ०.६६ प्रतिशत, लघुवित्त समूह ०.४९ प्रतिशत तथा होटेल तथा टुरिजम समूह ०.१३ प्रतिशत बढेको छ।
साउनभर बैंकिंग समूह सर्वाधिक ४.६३ प्रतिशत घटेको छ भने फाइनान्स समूह २.६९ प्रतिशत घटेको छ। त्यस्तै निर्जीवन बीमा समूह २.४४ प्रतिशत, जीवन बीमा समूह १.५४ प्रतिशत, विकास बैंक समूह १.४० प्रतिशत, हाइड्रो समूह १.२२ प्रतिशत तथा लगानी समूह ०.९७ प्रतिशत घटेको छ।
साउनमहिनाभरमा ट्रेड टावर लिमिटेडको शेयर मूल्य सर्वाधिक १५६.३८ प्रतिशत, सान्भी इनर्जीको शेयर मूल्य ९६.३५ प्रतिशत, इन्फिनिटी लघुवित्तको शेयर मूल्य ३४.८६ प्रतिशत, नेपाल पुनर्बीमा कम्पनीको शेयर मूल्य २६.४६ प्रतिशत तथा समाज लघुवित्तको शेयर मूल्य २०.५८ प्रतिशत बढेको छ।
त्यस्तै साउनभरमा कर्पोरेट डेभलपमेन्ट बैंकको शेयर मूल्य सर्वाधिक १९.६६ प्रतिशत, ग्रीन डेभलपमेन्ट बैंकको शेयर मूल्य १८.१४ प्रतिशत, सप्तकोशी डेभलपमेन्ट बैंकको शेयर मूल्य १५.७७ प्रतिशत, दोर्दीखोला हाइड्रोको शेयर मूल्य १५.६० प्रतिशत तथा समृद्धि फाइनान्सको शेयर मूल्य १३.१७ प्रतिशत घटेको छ।
साउन महिनामा हिमालयन रिइन्स्योरेन्सको सर्वाधिक ११ अर्ब ६ करोडको शेयर कारोबार भएको छ भने नेपाल पुनर्बीमा कम्पनीको १० अर्ब ४४ करोडको कारोबार भएको छ। त्यस्तै शिवम सिमेन्टको ९ अर्ब ४७ करोडको कारोबार भएको छ।
