Nepal Automobile Importers and Manufacturers Association (NAIMA) ले Nepal Mobility Expo 2025 को स्टल बाँडफाँड गरेको छ । २०८२ साउन २१ देखी २५ गतेसम्म काठमाडौँको भृकुटीमण्डपमा आयोजना हुने प्रथम संस्करणको Nepal Mobility Expo स्टल बाँडफाँड गरिएको हो ।
नाइमा मोबिलिटी एक्स्पोमा चार पाङ्ग्रे, दुइ पाङ्ग्रे र व्यवसायिक सवारी साधनका स्टल रहने छन् । एक्स्पोमा कुल ५० ब्राण्डले सहभागीता जनाउने आयोजक नाइमाले जनाएको छ । कुल ४८ स्टलमध्ये चार पाङ्ग्रेलाई २१, दुइ पाङ्ग्रेलाई १५ र व्यवसायिक सवारी साधन ब्राण्डलाई ९ वटा स्टल छुट्याइएको छ ।
एक्स्पोबारे नाइमा अध्यक्ष रितुसिंह वैद्य भन्छिन्, ‘नेपालका अटोमोबाइल्स उद्योगका प्रमुख ब्राण्डहरुको सकारात्मक र उत्साहजनक सहभागीताले हामी अत्यन्त हर्षित भएका छौँ, सबै स्टल बुक भइसकेका छन् । अब हामी प्रदर्शनीको कार्यान्वयनमा ध्यान केन्द्रित गर्दैछौँ ।’
NAIMA Nepal Mobility Expo 2025 ले परम्परागत प्रदर्शनीको ढाँचा परिवर्तन गर्ने र एक्स्पोले उपभोक्ता र अटोमोबाइल्स व्यवसायीबीच प्रत्यक्ष साक्षात्कारको अवसर समेत प्रदान गर्ने विश्वास लिइएको छ । प्रदर्शनीको समग्र व्यवस्थापन मिडिया स्पेश सोलुसनले गर्दैछ ।
सहभागी चार पाङ्ग्रे सवारी ब्रान्डहरू : BYD, Citroen, Forthing, Great Wall Motors, Henrey Volts,
Hyundai, Kaiyi, KIA, Leapmotor, LEV 1, Mahindra, Maxus, Mazda, MG, Mitsubishi,
Nissan, Omoda & Jaecoo, Peugeot, Proton, Renault, Toyota, Volkswagen, Zeekr
सहभागी दुई पाङ्ग्रे सवारी ब्रान्डहरू : Ampere, Ather, Bajaj, Benelli, CFMoto, Gogoro, Honda, KTM, Mahindra, NIU, Revolt, Royal Enfield, Segway-Ninebot, Suzuki, Triumph, TVS,
Ultraviolette, Yadea, Zeeho
सहभागी व्यावसायिक सवारी साधन ब्रान्डहरू : Chery Wanda, Dongfeng, Farizon, Huazi,
Kama, Karry, Kinglong, Sunlong
