नाडा अटोमोबाइल्स एशोसिएसन अफ नेपाल भित्रको आन्तरिक कलह छताछुल्ल भएको छ । ४७ औँ साधारणसभा तथा महाधिवेशन पश्चातको पहिलो बैठकबाट वरिष्ठ उपाध्यक्षमा चयन भएका आकाश गोल्छालाई नाडाले आन्तरिक विवादकै कारण उक्त पदबाट हटाइदिएको छ ।
नाडाको आधिकारिक वेभसाइटमा वरिष्ठ उपाध्यक्ष पदमा आकाश गोल्छाको नाम र तस्बिर थियो । तर, अहिले उक्त पद नै हटाएर गोल्छालाई सदस्यको रुपमा मात्र राखिएको छ । विधान संशोधन गरेर वरिष्ठ उपाध्यक्ष पद राखेको नाडा कार्यसमितिले पहिलो वरिष्ठ उपाध्यक्षलाई नै पदबाट हटाएर पद नै गायब बनाएपछि हलचल मच्चिएको छ ।
खुसुक्क वेभसाइडबाट मात्रै वरिष्ठ उपाध्यक्ष पद हटाइएपनि कार्यसमितिले निर्णय गरेर हटाएको हो वा कुन विधिमार्फत हटाइएको हो भन्ने विषय नाडाले आधिकारिक रुपमा जानकारी गराएको छैन । नाडाका पदाधिकारीहरु नै यसबारे अनविज्ञता प्रकट गरिरहेका छन् ।
तर, स्रोतले भने नाडा फुटाएर नेपाल अटोमोबाइल्स इम्पोर्टस् एण्ड म्यानुफ्याक्चरर्स एसोसिएसन (नाइमा) गठन गर्न नेतृत्दायी भूमीका खेलेको भन्दै नाडाका अध्यक्ष करण चौधरी गोल्छासँग रुष्ट थिए । त्यहीँ कारण गोल्छालाई वरिष्ठ उपाध्यक्ष पदबाट हटाइएको स्रोतले दाबी गरेको छ ।
यद्यपी आकाश गोल्छाको नाइमाको ११ सदस्यीय सञ्चालक समितिमा छैनन् ।
