नेपाल विद्युत प्राधिकरणले प्रवर्धकहरूलाई आयोजनाको RCOD थप गर्नको लागि बोलाएको छ । RCOD भनेको विद्युत उत्पादन गरिसक्नु पर्ने भनेर तोकिएको समय हो । RCOD तोकिएको समयमा सम्पन्न नगर्दा जरिवाना लाग्दछ ।
प्राधिकरणले २०७१/०५/३१ को ६५८ औँ बैठकबाट निजी क्षेत्रका विद्युत प्रवर्द्धक कम्पनीहरूसँग सम्पन्न विद्युत खरिद बिक्री सम्झौता र ग्रिड कनेक्सन एग्रिमेन्टमा मा उल्लेखित ने.वि.प्रा. को दायित्वमा पर्ने प्रसारण लाइन तथा सवस्टेशन निर्माण कार्य सम्पन्न नभएको अवस्थामा विविध शर्तहरूको अधिनमा रही निर्माण सम्पन्न नभएका सम्वन्धित आयोजनाहरूको व्यापारिक उत्पादन शुरु गर्नुपर्ने मिति (RCOD) संशोधन गर्न स्वीकृति दिने निर्णय गरेको थियो।
सोहि अनुसार प्राधिकरणले RCOD सम्ममा आयोजनाको निर्माण सम्पन्न नभएका प्रवर्द्धकहरूलाई आफ्नो आयोजनाको RCOD थप गर्नको लागि ७ दिन भित्र विद्युत ब्यापार विभागमा सम्पर्क गर्न आग्रह गरेको हो ।
आयोजनाको विद्युत उत्पादनको अनुमतिपत्र प्राप्त भएको, आयोजनाको वित्तिय व्यवस्थापन (Financial Closure) सम्पन्न भएको, RCOD समाप्त हुनु अगावै RCOD संशोधनको लागि प्राधिकरणमा निवेदन पेश गरेको, र माथि उल्लेखित शर्तका अतिरिक्त आयोजनाले भौतिक निर्माण कार्य प्रारम्भ गरी प्राधिकरणको प्रशारण लाईन तथा सवस्टेसन को निर्माण प्रगतिको अनुपातमा प्रगती हासिल गरेकोले RCOD थपको सुविधा पाउने छन् ।
