एस एम एल इसुजुले नेपालको लागी एक मात्र आधिकारिक बिक्रेताको रुपमा लक्ष्मी ग्रुपलाई नियुक्त गरेको छ । जापानी प्रविधिमा आधारीत तथा भारतमा निर्मीत एस एम एल इसुजु ले बस तथा ट्रक हरु निर्माण गर्दै आएको छ ।
नेपाली भु–बनोट तथा बजारमा लोकप्रिय तथा प्रभाबकारी मानिने एस एम एल इसुजुका सवारी साधान हरु बिगत लामो समय देखी लोकप्रिय रहँदै आएको छ । एस एम एल इसुजुको आधिकारीक बिक्रेता भए सँगै लक्ष्मी कमर्सियल भेहिकल्स ले आक्रमक बजार बिस्तार तथा सुदृढीकरण लागी सदैब तत्पर रहने जनाएको छ ।
लक्ष्मी ग्रुप अन्तर्गतको लक्ष्मी कमर्सियल भेहिकल्स ले बिगत सात वर्ष देखी एस एम एल इसुजुका सवारी साधान बिक्री गर्दै आएको तथा हाल नेपालमा सातै प्रदेशमा सेल्स तथा सर्भिस सञ्जाल रहेको तथा आगामी दिनमा अंझै बिस्तार गर्दै लैजाने यस कम्पनीका सेल्स हेड सञ्जय खड्काले बताए ।
खड्काका अनुसार लक्ष्मी कमर्सियल भेहिकल्सले ग्राहकको सहजताको लागी देशैभर स्पेयर पार्टसको उपलब्धता सुनिश्चित गरिने प्रतिबद्धता जनाए । यस ब्राण्ड प्रति देखाएको समर्पण प्रतिबद्धता र मेहनत लाई मध्यनजर गर्दै एस एम एल इसुजुले एक मात्र आधिकारिक वितरकको जिम्मेवारी दिएको उनले उल्लेख गरे। कम्पनीको यस निर्णयबाट अत्यन्त खुसी र उत्साहीत रहेको पनि खड्काले बताए ।
एस एम एल इसुजुको नेपाली बजारमा लाइट तथा मिडियम ट्रक टिप्पर साथै स्कुल बस र स्टाफ बस अन्र्तगत विभिन्न क्षमताका बस र ट्रकहरु उपलब्ध छन् । स्कुल बस सेग्मेन्टमा यस ब्राण्ड ले विगत लामो समय देखी बजारको अग्रनी स्थानमा रहेको पनि जानकारी गराएको छ ।
