दुई भारतीय वायुसेवा कम्पनीले नेपालमा नियमित उडान गर्ने भएका छन् । भारतीय वायुसेवा कम्पनी स्पाइस जेटले वैशाख २७ गतेबाट दिल्ली–काठमाडौँ–दिल्ली उडान गर्ने तय भएको हो ।
स्पाइसजेटले हप्तामा सातै दिन उडान गर्ने गरी उडान तालिका स्वीकृत गराएको छ । स्पाइस जेट ६ वर्षपछि नेपालको उडानमा फर्किएको हो ।
यस्तै, बैंङ्लोर–काठमाडौँ रुटमा पनि भारतीय कम्पनीले नियमित उडान गर्ने भएको छ । हाल नेपाल वायुसेवा निगमले मात्रै उडान गर्दै आएको यो गन्तव्यबाट अब एयर इण्डिया एक्सप्रेसले पनि उडान गर्ने भएको हो । एयर इण्डिया एक्सप्रेसले आगामी असार १७ बाट उडान गर्ने भएको छ ।
त्रिभुवन अन्तर्राष्ट्रिय विमानस्थलको प्रवक्ता रिन्जी शेर्पाका अनुसार एयर इण्डिया एक्सप्रेसले दिनको २ वटा उडान गर्ने गरी सेड्युल स्वीकृत गराएको छ ।
