सिन्धुली उद्योग वाणिज्य संघको अध्यक्षमा अर्जुनकुमार श्रेष्ठ दाहोरिएका छन् । मंगलबार भएको मतदानमार्फत श्रेष्ठ पुनः अध्यक्षमा निर्वाचित भएका छन् ।
श्रेष्ठले ५ सय ७ मत प्राप्त गरी निर्वाचित हुँदा उनका प्रतिस्पर्धी राजकुमार श्रेष्ठले ३ सय ८८ मत प्राप्त गरेका छन् ।
वरिष्ठ उपाध्यक्षमा देवनारायण श्रेष्ठ, वस्तुगत उपाध्यक्षमा रामकुमार राजभण्डारी, महासचिवमा वासु भेटवाल, उप–महासचिवमा नेत्रजङ थापा निर्वाचित भएका छन् । महिला सचिवमा सृजना श्रेष्ठ विजयी भएकी छिन् ।
खुला सदस्यहरूमा रामबहादुर विश्वकर्मा, सञ्जय शाह, हिमेश श्रेष्ठ, राजकुमार श्रेष्ठ र रामचन्द्र पौडेल विजयी भएका छन् । आजीवन सदस्यमा दिगम्बर चौधरी, एशोसियट सदस्यमा शाह आलम साफी र महिला सदस्यमा ललिता न्यौपाने निर्वाचित भएका छन् ।
