मंगलबार बिहानदेखि गुगल प्ले स्टोरबाट हटेको इसेवाको एप आज बिहीबारदेखि फेरि प्ले स्टोरमा उपलब्ध भएको छ l इसेवाले आज बिहीबार बिहानबाट इसेवाको एप पुन: गुगल प्लेस्टोरमा उपलब्ध रहेको जानकारी दिएको हो l
इसेवाका अनुसार एप अपडेट हुने क्रममा रहेकोले केही दिन प्ले स्टोरबाट हटेको थियो । इसेवा प्रा. लि., इसेवा लिमिटेडमा परिणत भएसँगै, उक्त विवरण Google Playstore DUNS (Data Universal Numbering System) मा अपडेट गर्ने क्रममा रहेको कारण इसेवा एप अस्थाई रुपमा प्लेस्टोरबाट हटेको इसेवाले उल्लेख गरेको थियो।
एप प्ले स्टोरमा नभएको अवस्थामा पनि डाउनलोड भैसकेको इसेवा एपहरु सहज रुपमा चलिरहेका थिए।
