मंगलबार बिहान काठमाडौँ उपत्यकामा भारी वर्षा भएपछि काठमाडौँ स्थित त्रिभुवन अन्तराष्ट्रिय विमानस्थलमा उडान अवतरण प्रभावित भएको छ । भारी वर्षाका कारण करिब आधार दर्जन जहाज ल्याण्ड हुन सकेका छैनन् ।
फ्लाइट र्याडरका अनुसार भैरहवाबाट काठमाडौँ आएको बुद्ध एयरको BHA852 कल साइनको जहाज ल्याण्ड गर्न सकेको छैन । त्यस्तै नयाँ दिल्लीबाट काठमाडौँ आएको भिस्तारा एयरको VTI157 कल साइनको जहाज पनि आकाश मै घुमेको घुम्यै छ। नयाँ दिल्लीबाट काठमाडौँ आएको इन्दिगो एयरको IGO1151 कल साइनको जहाज पनि आकाश मै घुमेको घुम्यै छ। दोहाबाट काठमाडौँ आएको कतार एयरवेजको QTR652 कल साइनको जहाज पनि आकाश मै घुमेको घुम्यै छ।
जल तथा मौसम विज्ञान विभागले आज मंगलबार र बुधबार देशभर नै भारी वर्षा हुने जनाएको छ । जस मध्ये ३४ जिल्लामा विभागले रेड अलर्ट जारी गरेको छ।
