लगानी बोर्डका प्रमुख कार्यकारी अधिकृत (सीईओ) सुशील भट्ट ४ वर्षे कार्यकाल पूरा गरेर बिदा भएका छन् । २०७७ साउन १९ गते बोर्डको सीईओमा नियुक्त भएका भट्टलाई तत्कालिन केपी ओली नेतृत्वको सरकारले नियुक्त गरेको थियो ।
अहिले कार्यकाल पूरा गरेर बिदा हुँदा पनि ओली नेतृत्वकै सरकार बनेको छ । उनले बोर्डको सीईओबाट बिदा हुँदै प्रधानमन्त्री ओली र सरकारप्रति कृतज्ञता व्यक्त गरेका छन्।
‘मैले लगानी बोर्डको सीईओको रुपमा चार वर्षको कार्यकाल सफलतापूर्वक पूरा गरेको छु’, उनले ट्विटरमा भनेका छन्, ‘म यस महत्त्वपूर्ण जिम्मेवारीका लागि प्रधानमन्त्री केपी शर्मा ओली र नेपाल सरकारप्रति कृतज्ञ छु।’
भट्टको कार्यकालमा लगानी बोर्डको प्रमुख व्यवस्थापकीय नेतृत्वमा तेस्रो अन्तर्राष्ट्रिय लगानी सम्मेलन सम्पन्न भएको थियो ।
