नेपाल प्रहरीको केन्द्रीय अनुसन्धान ब्यूरो (सीआईबी) दूग्ध विकास संस्थान (डीडीसी) मा छापा मारेको छ । बुधबार लैनचौरस्थित डीडीसीको केन्द्रीय कार्यालयमा सीआईबीले छापा हानेको हो ।
सीआईबीको टोलीले डीडीसीका ५ जना कर्मचारीको मोबाइलसमेत जफत गरेको छ । यस्तै, दूध खरिदबिक्रीसम्बन्धी कागजात पनि नियन्त्रणमा लिएको छ ।
दूध खरिद बिक्रीका विवरण, मौज्दात र किसानलाई भुक्तानी गर्न बाँकी रकमको विवरणसहित सञ्चालक समितिका पछिल्ला ३ वर्षका निर्णय पनि माग गरेको छ ।
