माउण्टेन ईनर्जी नेपालको ४२ मे.वा. क्षमताको मिष्ट्री खोला जलविद्युत आयोजनाले पुन: विद्युत उत्पादन सुरु गरेको छ । असोज ११ गते बुढीगण्डकी नदीमा आएको भिषण बाढीले विद्युत प्राधिकरणको दाना-कुश्मा अन्तर्गतको २२० के. भि. प्रसारण लाईनको टावरहरुमा क्षति पुगेपछि आयोजनाको विद्युत उत्पादन बन्द रहेको थियो ।
उक्त प्रसारण लाईन अन्तर्गतको क्षति पुगेका टावरहरुको मर्मत संभार पश्चात २०८३ असोज ३१ गते राती ११:०५ देखी आयोजनाको विद्युत प्रसारण पुनः संचालनमा आएको कम्पनीले जनाएको छ। यो आयोजना म्याग्दी जिल्लाको अन्नपुर्ण गाउँपालिका-४, नारच्याङमा अवस्थित छ ।
कम्पनीले ४२ मेगावाटको मिस्ट्रीखोला हाइड्रो र ५ मेगावाटको ताँदीखोला हाइड्रो परियोजनाबाट उत्पादन गरिरहेको छ। कम्पनीले सहायक कम्पनी दूधखोला हाइड्रोपावर कम्पनी प्रालि मार्फत ६५ मेगावाटको दूधखोला जलविद्युत आयोजना निर्माण थालेको छ ।
