नेपाली कांग्रेसका निवर्तमान सभापति शेरबहादुर देउवाको सचिवालयले बूढानीलकण्ठस्थित निवास र जग्गा बिक्री नभएको बताएको छ । देउवा निवास बिक्री भएको चर्चा भइरहेका बेला सचिवालयले घर बिक्री नगरिएको र बेच्ने कुनै तयारी नरहेको बताएको हो ।
‘बूढानीलकण्ठको देउवा निवास बिक्री गर्ने कुनै कार्यक्रम छैन,’ सचिवालयले भनेको छ, ‘केही सञ्चारमाध्यममा गलत सूचनासहित घर बिक्री गरेको र बिक्रीमा राखेको भनेर भ्रामक सूचना संप्रेशण भएकाले बिक्रीमा नराखेको स्पष्ट पारिएको हो ।’
सचिवालयका अनुसार उक्त घर देउवा पत्नी डा. आरजु राणालाई माइतीले दाइजोको रुपमा दिएको पनि सचिवालयले जनाएको छ । ‘उक्त घर रहेको जग्गा डा. आरजु राणालाई उहाँको माइतीले दाइजोको रुपमा २०५० सालमा खरिद गरिदिएको हो,’ सचिवालयले भनेको छ ।
जेनजी आन्दोलनका क्रममा देउवा निवास जलाइएको थियो ।
