भारतीय आयल कर्पोरेशनले नेपाल आयल निगमलाई पेट्रोलियम पदार्थको नयाँ मूल्य सूची पठाएको छ। आयल निगमका अनुसार भारतबाट डिजेल र पेट्रोलको मूल्यमा भारी वृद्धि भएर आएको छ।
भारतबाट पेट्रोलको मूल्य प्रति लिटर ४१.६० रुपैयाँ र डिजेलको मूल्य प्रति लिटर ९४.९३ रुपैयाँ बढेर आएको निगमले जनाएको छ। त्यस्तै हवाई इन्धनमा प्रति लिटर १२३.८ रुपैयाँ र खाना पकाउने ग्यास प्रति सिलिन्डर १९०.३६ रुपैयाँ बढेर आएको निगमले जनाएको छ।
भारतबाट बढेर आएपनि निगमले डिजेल, पेट्रोल र ग्यासको मूल्य बढाएको छैन । निगमले आन्तरिकतर्फको हवाई इन्धनको मूल्य प्रति लिटर १२४ रुपैयाँ र अन्तराष्ट्रिय तर्फको हवाई इन्धनको मूल्य प्रति किलोलिटर ८१९ डलरले बढाएको छ।
