सरकारले २०८३ सालमा प्रदान गरिने सार्वजनिक विदाको सूची सार्वजनिक गरेको छ । गृह मन्त्रालयले नेपाल राजपत्रमा सूचना प्रकाशन गर्दै विदाको सूची सार्वजनिक गरेको हो।
गत फागुन १२ गते बसेको मन्त्रिपरिषदको बैठकले विक्रम संवत २०८३ साल वैशाख १ गतेदेखि चैत मसान्तसम्म दिइने सार्वजनिक बिदा निर्धारण गर्ने निर्णय थियो। सोहि अनुसार विदाको सूची राजपत्रमा सार्वजनिक गरिएको हो ।
८३ सालमा दशैँको बेला लगातार ८ दिन सार्वजनिक विदा हुने भएको छ । असोज ३१ गते फुलपातीको दिन शनिवार परेको छ, र सो दिन देखि कार्तिक ६ गते शुक्रबारसम्म सार्वजनिक विदा रहेको छ। कार्तिक ७ गते शनिवार नै परेकोले दशैँको बेला लगातार ८ दिन विदा हुने भएको छ।
त्यस्तै तिहारमा लगातार ६ दिन विदा परेको छ । तिहार विदा कार्तिक २२ गते आइतबारदेखि कार्तिक २६ गते बिहिबारसम्म रहेको छ। कार्तिक २१ गतेको शनिवार समेत गर्दा तिहारमा लगातार ६ दिन विदा हुने भएको छ। त्यसपछि कार्तिक २७ गते शुक्रबार कर्यालय खुल्ने छ भने कार्तिक २८ र कार्तिक २९ गते फेरी विदा हुने छ। यी क्रमश शनिवार र छठमा विदा हुन् ।
हेर्नुस् विदाको सूची :
