एनसेल आजियाटा लिमिटेडले ९७१ बाट सुरु हुने मोबाइल नम्बर प्रदान गर्ने भएको छ । कम्पनीले नेपाल दूरसञ्चार प्राधिकरणद्वारा जेठ १४ मा प्राप्त भएको स्वीकृति अनुसार आफ्ना ग्राहकहरुलाई ९७१ बाट सुरु हुने नयाँ मोबाइल नम्बर प्रदान गर्न लागेको हो ।
एनसेलले यस अघि ९८०, ९८१, ९८२, र ९७० बाट सुरु हुने नम्बर प्रदान गरिरहेको थियो । अब भने कम्पनीले ९७१ बाट सुरु हुने नम्बर प्रदान गर्ने भएको हो ।
एनसेलले सेवा प्रदायक, संस्था, कार्यालय तथा बैंक/वित्तीय संस्थाहरुलाई नयाँ नम्बर रेञ्जलाई हाल प्रयोगमा रहेका नम्बरहरु सरह सेवा सुनिश्चित गर्न प्रणालीमा अद्यावधिक गर्न समेत अनुरोध गरेको छ। नयाँ नम्बरका साथ आगामी दिनहरुमा ग्राहकहरुलाई थप सुविधा र अझै विस्तारित सेवा प्रदान गर्न प्रतिबद्ध रहेको एनसेलले जनाएको छ।
