उद्योग वाणिज्य तथा आपूर्ति मन्त्री दामोदर भण्डारीले मुलुकमा जताततै सीपमूलक तालिमको फेसन चलेको भएपनि श्रम बजार भने अर्कैले कब्जा गरेको टिप्पणी गरेका छन् । राष्ट्रिय युवा परिषदले काठमाडौँमा आयोजना गरेको ‘युवा उद्यमशीलता प्रवर्द्धन सम्मेलन’लाई सम्बोधन गर्दै मन्त्री भण्डारीले यस्तो बताएका हुन् ।
‘फ्रन्टमा केही नेपालीहरु छन्, तर गार्मेन्टभित्र तपाई जानु भयो भने त्यहाँ सबै अरुले बाहुल्यता लिइसक्या छ । सुनचाँदी व्यवसायमा बंगाली मुलका झण्डै तीन लाख मान्छेहरुले रोजगारी पाइरहेका छन्,’ मन्त्री भण्डारीले भने, ‘नेपालको श्रम बजार चाहेर नचाहेर पनि अरुले कब्जा गर्ने अनि नेपालले खाडीतिर ताक्नुपर्ने ?’
उनल् अहिले सीपमुलक तालिम दिने फेसन चलेको समेत उनको भनाइ छ । ‘सिप प्राप्त भइसकेपछि सर्टिफिकेटको मान्यता कसले दिन्छ ?’ प्रश्न गर्दै उनले भने, ‘सीप विकासको तालिम दिइराख्या छौं, श्रम बजार अर्कैले लगिरहेको छ । सर्टिफिकेसनको मान्यता छैन ।’
सिटिइभिटीले दिने सर्टिफिकेट अन्तर्राष्ट्रिस्तरमा प्रतिस्पर्धा गर्न सक्ने खालको हुनुपर्ने समेत मन्त्री भण्डारीको भनाइ छ ।
