शान्ता प्लाईवुड लिमिटेडले आईपीओ निष्काशनको अनुमति माग गर्दै नेपाल धितोपत्र बोर्डमा आवेदन दिएको छ। कम्पनीले गत चैत्र १८ गते बोर्डमा आवेदन दिएको हो।
कम्पनीले २१ करोड ५० लाख रुपैयाँ बराबरको २१ लाख ५० हजार कित्ता शेयर निष्काशनको लागि अनुमति माग गरेको हो। शेयर निष्काशनको लागि हिमालयन क्यापिटल बिक्री प्रबन्धक रहेको छ।
यस कम्पनीको कार्यालय नवलपरासीको रामग्राम नगरपालिका ११ जमुवार्डमा रहेको छ। कम्पनीले बाँसका विभिन्न प्रकारका सामाग्री उत्पादन गरि बिक्री गर्दै आएको छ। कम्पनीको ७० प्रतिशत उत्पादन भारत निर्यात हुदै आएको छ। कम्पनीले युएई, कतार, ओमान लगायतका मध्यपूर्वका देशमा पनि आफ्नो उत्पादन निर्यात गर्ने तयारी गरिरहेको छ। कम्पनीका अनुसार आगामी सेप्टम्बरदेखि मध्य पूर्वका देशमा कम्पनीको उत्पादन निर्यात सुरु गर्ने लक्ष्य रहेको छ।
कम्पनीमा भुषाल परिवार, कदम केसी, गरिमा होल्डिंग्स लगायतको लगानी रहेको छ। कम्पनीका अध्यक्ष बालकृष्ण भुषाल हुन् ।
