एशियन कंक्रिटो लिमिटेडले आईपीओ निष्काशनको अनुमति माग गर्दै नेपाल धितोपत्र बोर्डमा आवेदन दिएको छ। कम्पनीले वैशाख १४ गते आवेदन दिएको हो ।
कम्पनीले साधारणसभाबाट प्रिमियम मूल्यमा आईपीओ निष्काशन गर्ने प्रस्ताव पारित गरेपनि अहिले भने अंकित मूल्य आईपीओ निष्काशन गर्ने गरि बोर्डमा आवेदन दिएको छ। कम्पनीले १० करोड ६२ लाख ५० हजार रुपैयाँ बराबरको १० लाख ६२ हजार ५ सय कित्ता शेयर निष्काशन गर्ने अनुमति माग गरेको हो। कम्पनीले आईपीओ निष्काशनको लागि नबिल इन्भेष्टमेन्ट बैंकिंग लिमिटेडलाई बिक्री प्रबन्धक नियुक्त गरेको छ ।
यस कम्पनीले आवासीय, व्यावसायिक, औद्योगिक र संस्थागत परिसरसँग सम्बन्धित वास्तुकला परियोजनाहरूका लागि आधुनिक नवीनतम प्रविधि र अभ्यासहरू प्रयोग गरी कंक्रीट इन्टरलकिङ पेभर्स, केर्बस्टोन, प्याभिङ स्ल्याब, कंक्रीट ब्रिक्स र होलो ब्लकजस्ता उच्च ग्रेडको कंक्रीट ल्यान्डस्केपिङ उत्पादनहरू उपलब्ध गराउँदै आएको जनाएको छ।
यस कम्पनीका अध्यक्ष मनिष रुंगटा हुन् भने अन्य संचालकहरुमा गौरव अग्रवाल, राजेश कुमार अग्रवाल, मनोज कुमार केडिया, राजेश जटिया, र आकाश जटिया रहेका छन्।
