ग्लोबल स्मार्टफोन ब्रान्ड भिभोले नेपालमा बहुप्रतीक्षित भिभो भि५० सार्वजनिक गरेको छ । जाइस्सँगको सहकार्यमा डिजाइन गरिएको यो अत्याधुनिक स्मार्टफोन प्रो-लेवल पोट्रेट फोटोग्राफी, स्टाइलिश डिजाइन, र दीर्घकालीन ब्याट्री परफर्मेन्सको संयोजनले स्मार्टफोन प्रविधिको नयाँ आयाम प्रस्तुत गर्ने कम्पनीले जनाएको छ।
मनोरञ्जन र सिर्जनात्मकताको लागि आदर्श मानिएको भिभो भि५० नेपाली प्रयोगकर्ताहरूको लागि उत्कृष्ट विकल्प सावित हुने कम्पनीको दाबी छ । कम्पनीका अनुसार भिभो भि५० मा रहेको ५० मेगापिक्सलको जाइस् ओआईएस् मेन क्यामेराले फ्ल्यागशिप स्तरको स्पष्टता र विवरण प्रदान गर्छ। ११९० अल्ट्रा वाइड एंगल क्यामेराले सुन्दर दृश्यहरू र ग्रुप तस्विरहरू कैद गर्न मद्दत गर्छ। सेल्फी पारखीहरूका लागि, ५० मेगापिक्सल जाइस् ग्रुप सेल्फी क्यामेराले ९२० जाइस् ऑटोफोकस वाइड एंगल लेन्स सहित नेचुरल र हाई-डेफिनिशन सेल्फ-पोर्ट्रेटहरू खिच्ने क्षमता राख्ने कम्पनीले जनाएको छ।
कम्पनीले भनेको छ ‘एआई औरा लाईट पोर्टेट २.० से १४३ गुणा अल्ट्रा- सफ्ट फिल लाइट प्रदान गर्छ भने जाइस् मल्टिफोकल पोर्ट्रेटले २३ एमएम, ३५ एमएम र ५० एमएम फोकल लेंथमा प्रोफेशनल पोर्ट्रेट इफेक्ट दिन्छ । बायोटार, बि-स्पीड र डिस्टागन जस्ता जाइस् स्टाईल ईफेक्टले पोर्ट्रेट तस्बिरहरूमा सिनेम्याटिक गहिराइ थप्छ ।’
कम्पनीका अनुसार भिभो भि५० ले 4K अल्ट्रा- क्लियर भिडियो रेकर्डिङ सुविधासहित उच्च स्तरको भिडियो निर्माण क्षमता प्रदान गर्छ। एआई ईरेज २.०, लाईभ कटआउट, फिल्म क्यामेरा मोड र लाईभ फोटो जस्ता प्रविधिहरूले प्रयोगकर्ताहरूलाई थप सिर्जनात्मक बनाउन मद्दत गर्छ । भिभो भि५० को ४१० गोल्डन कर्भचरसहितको क्वाड-कर्भ डिस्प्लेले न केवल आकर्षक लुक्स प्रदान गर्छ, तर सहज पकड र इमर्सिभ भ्यु अनुभवसमेत दिन्छ । एन्टी-मिस्टच एल्गोरिदमले मल्टिटास्किङ र गेमिङलाई सहज बनाउँछ ।
यो स्मार्टफोन दुई आकर्षक रंगहरू- स्टारी ब्लु र स्याटिन ब्लाक- म उपलब्ध हुने कम्पनीले जनाएको छ । कम्पनीका अनुसार प्रदर्शनको मामलामा, क्वालकम स्न्यापड्रैगन ७ जेन ३ प्रोसेसरले १५% छिटो सिपियु प्रदर्शन र ५०% सुधारिएको जिपियु पावर प्रदान गर्छ । १२ + १२ जिबी को विस्तारित यमले कुनै पनि एप स्विचिङलाई सहज बनाउँछ । ६००० एमएएच ब्लु भोल्ट ब्याट्री र ९० वाट फ्ल्यास चार्ज प्रविधिले १० मिनेट चार्जमै ६ घण्टा कुरा गर्ने वा ३ घण्टा भिडियो स्ट्रिमिङ गर्ने क्षमता दिन्छ । आईपि ६८ र ६९ वाटर तथा डस्ट रेसिस्टेन्सले यो स्मार्टफोनलाई दैनिक जीवनका चुनौतीहरू सामना गर्न सक्षम बनाउने कम्पनीले उल्लेख गरेको छ।
कम्पनीका अनुसार नयाँ टेक्नोलोजी र उत्कृष्ट डिजाइन सहितको भिभो भि५०को नेपाली बजार मूल्य रु ६७९९९ तोकिएको छ । मार्च १८ देखि मार्च २४ सम्म प्रिबुकिङ उपलब्ध हुनेछ, जसअन्तर्गत ग्राहकहरूले निःशुल्क भिभो इयरबड्स पाउनेछन्। पहिलो बिक्री मार्च २५ बाट भिभोको अधिकृत रिटेल स्टोरहरू र दराज अनलाइन प्ल्याटफर्ममा सुरु हुनेछ ।
