आज बुधबार सुनको भाउमा सामान्य गिरावट आएको छ । मंगलबार तोलाको १ लाख ५० हजार ८ सय रुपैयाँको किर्तिमानी मूल्यमा कारोबार भएको छापावाल सुनको भाउ आज तोलामा ३ सय रुपैयाँले घटेर तोलाको १ लाख ५० हजार ५ सय रुपैयाँमा आइपुगेको हो ।
आज प्रति १० ग्राम छापावाल सुनको भाउ १ लाख २९ हजार ३० रुपैयाँ तोकिएको छ ।
आज चाँदीको भाउ भने तोलामा ५ रुपैयाँले घटेर १ हजार ७३५ रुपैयाँमा कारोबार भइरहेको छ । आज १० ग्राम चाँदीको भाउ १ हजार ४८७ रुपैयाँ ४० पैसा तोकिएको छ ।
