फागुन २१ गते सम्पन्न प्रतिनिधिसभा निर्वाचनको मतगणना अन्तिम चरणमा पुगेको छ। अब प्रत्यक्षतर्फ केवल ४ स्थानको नतिजा आउँन बाँकि छ ।
अब धनुषा १ , गोरखा १ , संखुवासभा १ र इलाम १ को नतिजा आउँन बाँकी छ। गोरखा १ मा रास्वपाका सुदन सुरुङ अगाडी छन् भने उनलाइ नेपाली कांग्रेसका उम्मेदवारले पछ्याईरहेका छन् । संखुवासभा १ मा एमालेका उम्मेदवार अगाडी छन् र उनलाई रास्वपाका उम्मेदवारले पछ्याइरहेका छन् । इलाम १ मा कांग्रेसका उम्मेदवार अगाडी छन् भने उनलाई श्रम संस्कृति पार्टीका उम्मेदवारल पछ्याईरहेका छन् ।
धनुषा १ मा निर्वाचन आयोगले रास्वपाका उम्मेदवार खारेज गरिदिएको थियो। सो विरुद्द उम्मेदवार अदालत गएकोले अदालतको आदेश नआउँदा मत परिणाम सार्वजनिक नगर्न निर्वाचन आयोगले निर्देशन दिएको छ। यस क्षेत्रमा रास्वपा कै उम्मेदवार अगाडी छन् , तर उनको उम्मेदवारी खारेज गर्ने निर्णय कायम रहेमा भने यहाँ नेकपाका उम्मेदवार अगाडी छन् ।
हालसम्म रास्वपाले १२४ सिट, कांग्रेसले १७ सिट, एमालेले ८ सिट, नेकपाले ७ सिट , श्रम संस्कृति पार्टीले ३ सिट र राप्रपाले १ सिट जितेको छ। म्यादीमा स्वतन्त्र उम्मेदवार महावीर पुन विजयी भए ।
