फागुन २१ गते सम्पन्न भएको निर्वाचनमा ४ जना पूर्व प्रहरीहरु निर्वाचित भएका छन् । अवकाश पाएपछि राजनीतिमा प्रवेश गरेका उनीहरु प्रतिनिधिसभा सदस्यमा निर्वाचित भएका हुन् ।
पूर्व एआईजी विश्वराज पोखरेल ओखलढुङ्गाबाट निर्वाचित हुँदा पूर्व एसएसपी विक्रम थापा कपिलवस्तु क्षेत्र नम्बर २ बाट निर्वाचित भएका छन् । यस्तै, पूर्व डिएसपी गोविन्द पन्थी गुल्मी २ बाट निर्वाचित भएर प्रतिनिधिसभामा प्रवेश गर्दा पूर्व सई शम्भु प्रसाद ढकाल (शम्भु सुस्केरा) झापा ४ बाट निर्वाचित भएका हुन् ।
एउटा रोचक संयोग के छ भने उनीहरु सबै एउटै राजनीतिक दलबाट निर्वाचित भएका छन् । उनीहरु चारै जना राष्ट्रिय स्वतन्त्र पार्टीबाट उम्मेदवारी दिएर विजयी भएका हुन् ।
