निर्वाचन आयोगले ६५ प्रतिशत मत खस्ने अनुमान गरेको छ । कार्यवाहक प्रमुख निर्वाचन आयुक्त रामप्रसाद भण्डारीले ६५ प्रतिशत भन्दा बढी मत खस्ने अनुमान गरिएको बताएका हुन् ।
आफूले मतदान गरेपछि पत्रकारहरुसँग संक्षिप्त कुराकानी गर्दै भण्डारीले देशभर शान्तिपूर्ण वातावरणमा उत्साहपूर्वक मतदान भइरहेको बताए । उनले मतदानमा युवाहरुको उत्साहपूर्वक सहभागीता रहेको भन्दै यस निर्वाचनमा ६५ प्रतिशत भन्दा बढी मत खस्ने अनुमान गरिएको बताए ।
मतगणना सुरु भएको २४ घण्टाभित्र प्रत्यक्षतर्फको नतिजा सार्वजनिक गर्ने लक्ष्यका साथ आयोगले तयारी गरेको पनि कार्यवाहक प्रमुख निर्वाचन आयुक्त भण्डारीले दोहोर्याएका छन् ।
