गन्ध आउने अचार बेचेको भन्दै काठमाडौँ महानगरपालिकाले बर्गर हाउस एण्ड क्रन्ची फ्राइड चिकेनलाई जरिवाता गरेको छ । कलंकीमा रहेको सो बर्गर हाउसले अनलाइन मःम अर्डर गर्ने ग्राहकलाई गन्ध आउने अस्वस्थ्यकर अचार पठाएको पाइएपछि २ लाख रुपैयाँ जरिवाता गरिएको महानगरले जनाएको छ ।
अनलाइन मःम अर्डर गर्ने ग्राहकलाई गन्ध आउने अचार पठाएको पुष्टि भएपछि बर्गर हाउसलाई कारबाही गरिएको महानगरका खाद्य प्राविधिक अनिल बस्नेतले जानकारी दिए ।
यसअघि महानगरपालिकाले आफ्नै कार्यालयमा सञ्चालित नारायणी चमेना गृहलाई पनि २ लाख रुपैयाँ जरिवाना तिराएको थियो ।
