आयो नूनको ‘एमआरपी’भन्दा धेरै मूल्य लिएर बिक्री गर्ने २ पसललाई वाणिज्य विभागले नगद जरिवाना गराएको छ । विभागले सोल्टी मोडको म्याक्रो मिनि मार्ट र ताहचलको मेगा मार्टलाई जनही तीन/तीन लाख रुपैयाँ जरिवना तिराएको हो ।
वाणिज्य, आपूर्ति तथा उपभोक्ता संरक्षण विभागले उपभोक्ता संरक्षण ऐन २०७५ अनुसार नुनमा बढी मूल्य पसललाई कारबाही गरिएको जनाएको छ ।
नुन तथा खाद्य जस्तो अत्यावश्यक वस्तुमा एमआरपीभन्दा धेरै मूल्य लिएर बिक्री गरेको पाइएकाले अधिकतम् जरिवाना गरिएको विभागले जनाएको छ ।
विभागका अनुसार साल्ट ट्रेडिङ कर्पोरेशनबाट बिक्री भइरहेको आयो नूनमा एमआरपीभन्दा बढी मूल्यमा बिक्री वितरण भइरहेको भन्ने गुनासो आएपछि अनुगमन बढाइएको छ ।
केही दिनअघि साल्ट ट्रेडिङ कर्पोरेशनले नूनको खुद्रा मूल्य २० रुपैयाँबाट बढाएर २६ रुपैयाँ प्रतिकेजी तय गरेको छ ।
