राधी विद्युत कम्पनीले हकप्रद निष्काशनको अनुमति माग गर्दै नेपाल धितोपत्र बोर्डमा आवेदन दिएको छ। कम्पनीले मङ्सिर २ गते बोर्डमा आवेदन दिएको हो।
कम्पनीले हाल कायम चुक्ता पुँजीको १:०.६९८९ को अनुपातमा ६९.८९ प्रतिशत हकप्रद निष्काशन गर्न लागेको हो । कम्पनीले १ करोड २८ लाख ५२ हजार ६ सय २६ दशमलव ४४ कित्ता हकप्रद शेयर निष्काशन गर्न अनुमति मागेको हो। धितोपत्र बोर्डले अनुमति पाएपछि कम्पनीले हकप्रद निष्काशन गर्ने छ।
विद्युत नियमन आयोगले ६९.८९ प्रतिशत मध्ये ५२.४८ प्रतिशत कसुवा खोला जलविद्युत् आयोजनामा लगानी गर्ने र बाँकी १७.४१ प्रतिशत कम्पनीको बैंक ऋण तिर्ने शर्तमा हकप्रद निष्काशनको लागि पूर्व स्वीकृति प्रदान गरेको थियो। हकप्रद निष्काशनको लागि मुक्तिनाथ क्यापिटल बिक्री प्रबन्धक रहेको छ।
