शिवश्री हाइड्रोपावर लिमिटेडले निष्काशन गरेको हकप्रद बाँडफाँड भएको छ । बिक्री प्रबन्धक सिटिजन्स क्यापिटलका अनुसार असोज ३१ गते शेयर बाँडफाँड गरिएको हो।
कम्पनीले भदौ ११ गतेदेखि असोज २३ गतेसम्म १:१ को अनुपातमा हाल कायम चुक्ता पुँजीको एक सय प्रतिशतले हुन आउने १ अर्ब ४७ करोड ६४ लाख रुपैयाँ बराबरको १ करोड ४७ लाख ६४ हजार कित्ता हकप्रद शेयर निष्काशन गरेको थियो। जस मध्ये रितपुर्वक आवेदन दिने शेयरधनीलाई १ करोड ३८ लाख ९८ हजार १ सय ५५ कित्ता शेयर बाँडफाँड गरिएको क्यापिटलले जनाएको छ। यस संगै बिक्री नभएको ८ लाख ६५ हजार ८ सय ४५ कित्ता शेयर लिलाममा आउने छ।
कम्पनीले हकप्रद निष्काशनको लागि साउन १६ गते बुक क्लोज गर्ने निर्णय गरेकोले साउन १५ गतेसम्म कायम शेयरधनीले मात्र हकप्रदमा आवेदन दिन सक्ने व्यवस्था थियो। नेपाल धितोपत्र बोर्डले कम्पनीलाई साउन ४ गते हकप्रद निष्काशनको अनुमति दिएको थियो।
