छ्याङ्दी हाइड्रोपावर लिमिटेडको हकप्रदमा अवेदान दिने आज असार २७ गते अन्तिम दिन रहेको छ । कम्पनीले जेठ २३ गतेदेखि हकप्रद बिक्री खुला गरेको हो।
कम्पनीले १:१ को अनुपातमा शतप्रतिशत हकप्रद निष्काशन गरेको हो । कम्पनीले १:१ को अनुपातमा हाल कायम चुक्ता पुंजीको शतप्रतिशतले हुन आउने ३८ करोड ६९ लाख ७७ हजार ५ सय रुपैयाँ बराबरको ३८ लाख ६९ हजार ७ सय ७५ कित्ता हकप्रद शेयर निष्काशन गरेको छ। शेयर निष्काशनको लागि ग्लोबल आईएमई क्यापिटल बिक्री प्रबन्धक रहेको छ।
कम्पनीले हकप्रद निष्काशनको लागि जेठ २ गते बुक क्लोज गर्ने निर्णय गरेको छ । जेठ १ गतेसम्म कायम शेयरधनीले मात्र कम्पनीको हकप्रदमा आवेदन दिन सक्ने छन् ।
नेपाल धितोपत्र बोर्डले वैशाख १२ गते कम्पनीलाई हकप्रद निष्काशनको अनुमति दिएको थियो।
