नागरिक लगानी कोषले आर्थिक वर्ष २०८०/८१ को चौथो त्रैमासको अपरिस्कृत वित्तीय विवरण प्रकाशन गरेको छ । प्रकाशित विवरण अनुसार आघिल्लो आर्थिक वर्षको तुलनामा कम्पनीको खुद नाफा ९.९१ प्रतिशत घटेको छ ।
समीक्षा अवधिमा कम्पनीले १ अर्ब १० करोड रुपैयाँ खुद नाफा कमाएको छ। अघिल्लो आर्थिक वर्षको सोहि अवधिमा कम्पनीको खुद नाफा १ करोड २२ करोड थियो । कम्पनीको ब्याज आम्दानी १९.५५ प्रतिशत बढेर ४४ करोड २५ लाख पुगेको छ ।
समीक्षा अवधिमा कम्पनीको प्रति शेयर आम्दानी २३.०३ रुपैयाँबाट घटेर २०.७५ रुपैयाँ कायम भएको छ। कम्पनीको प्रति शेयर नेटवर्थ १७१.४५ रुपैयाँ रहेको छ ।
कम्पनीको चुक्ता पुँजी ५ अर्ब ३१ करोड रहेको छ भने जगेडा कोषमा १८ अर्ब १५ करोड रुपैयाँ सञ्चित छ। अघिल्लो आर्थिक वर्षको तुलनामा कम्पनीको रिजर्भ ३५.७९ प्रतिशतले बढेको हो ।
