३५.३२ प्रतिशतले बढ्यो स्वस्तिक लघुवित्तको खुदनाफा, ईपीएस २१.५५ रुपैयाँ

स्वस्तिक लघुवित्तले आर्थिक वर्ष २०८२/८३ को तेस्रो त्रैमासको अपरिस्कृत वित्तीय विवरण प्रकाशन गरेको छ। प्रकाशित विवरण अनुसार यस अवधिमा कम्पनीको खुद नाफा ३५.३२ प्रतिशतले बढेको छ ।

यस अवधिमा कम्पनीले ९२ लाख ४० हजार खुद नाफा कमाएको छ। अघिल्लो आर्थिक वर्षको यसै अवधिमा कम्पनीले ६८ लाख २८ हजार खुद नाफा कमाएको थियो ।

समीक्षा अवधिमा कम्पनीको खुद ब्याज आम्दानी ५२.४६ प्रतिशतले बढेर ४ करोड २१ लाख रुपैयाँ पुगेको छ। कम्पनीको कुल संचालन आम्दानी ५१.१७ प्रतिशतले बढेर ५ करोड ६ लाख पुगेको छ। कम्पनीको संचालन नाफा ९७ लाख ५५ हजारबाट बढेर १ करोड ३२ लाख रुपैयाँ पुगेको छ।

कम्पनीको वितरणयोग्य मुनाफा १ करोड ३ लाख रुपैयाँ रहेको छ  । कम्पनीको वितरणयोग्य प्रति शेयर नाफा १७.९२ रुपैयाँ रहेको छ ।  यस अवधिमा कम्पनीको प्रति शेयर आम्दानी २१.५५ रुपैयाँ रहेको छ भने प्रति शेयर नेटवर्थ १५८.९४ रुपैयाँ रहेको छ। कम्पनीको खराब कर्जा १२.२४ प्रतिशत कायम भएको छ।

५ करोड ७७ लाख चुक्ता पुँजी रहेको कम्पनीको रिजर्भमा २ करोड ४४ लाख रुपैयाँ रहेको छ।