आरएसडिसी लघुवित्त वित्तीय संस्थाले चालु आर्थिक वर्ष २०८२/८३ को तेस्रो त्रैमासको अपरिस्कृति वित्तीय विवरण प्रकाशन गरेको छ । प्रकाशित वित्तीय विवरण अनुसार यस अवधिमा कम्पनीको खुद नाफा ६.०८ प्रतिशतले घटेको छ।
चालु आर्थिक वर्षको तेस्रो त्रैमासमा कम्पनीले ६ करोड ५६ लाख रुपैयाँ खुद नाफा कमाएको छ। गत आर्थिक वर्षको सोही अवधिसम्ममा कम्पनीले ६ करोड ९८ लाख रुपैयाँ खुद नाफा कमाएको थियो।
यस अवधिमा लघुवित्तको खुद ब्याज आम्दानी १७ करोड ९ लाखबाट घटेर १४ करोड ७६ लाख पुगेको छ। कम्पनीको संचालन आम्दानी पनि घटेर १५ करोड २७ लाख पुगेको छ भने संचालन मुनाफा घटेर ९ करोड ४६ लाख पुगेको छ। यस अवधिमा कम्पनीको वितरणयोग्य मुनाफा भने ५ करोड ६७ लाख रहेको छ । कम्पनीको वितरणयोग्य प्रति शेयर आम्दानी ७.२३ रुपैयाँ रहेको छ ।
यस अवधिमा कम्पनीको प्रति शेयर आम्दानी ८ रुपैयाँ ४६ पैसा रहेको छ भने प्रति शेयर नेटवर्थ १२४.०७ रुपैयाँ रहेको छ। कम्पनीको खराब कर्जा ३.१३ प्रतिशतबाट बढेर ३.४६ प्रतिशत पुगेको छ।
१ अर्ब ३ करोड चुक्ता पुँजी रहेको कम्पनीको रिजर्भमा १९ करोड २१ लाख रुपैयाँ रहेको छ।
