चालु आर्थिक वर्षको ४ महिनाको अवधिमा वाणिज्य बैंकहरुले १९ अर्ब बढी खुद नाफा कमाएका छन् । नेपाल राष्ट्र बैंकको पछिल्लो तथ्यांक अनुसार संचालनमा रहेका २० वाणिज्य बैंकहरुले २०८२ साउन देखि २०८२ कार्तिकसम्मको अवधिमा कुल १९ अर्ब ३७ करोड ५४ लाख रुपैयाँ खुद नाफा कमाएका हुन् ।
अघिल्लो आर्थिक वर्षको यसै अवधिको तुलनामा बैंकहरुको खुद नाफा १३.११ प्रतिशत घटेको छ । अघिल्लो आर्थिक वर्षको यसै अवधिमा वाणिज्य बैंकहरुले २२ अर्ब २९ करोड खुद नाफा कमाएका थिए।
चालु आर्थिक वर्षको ४ महिनाको अवधिमा ग्लोबल आईएमई बैंकले सबैभन्दा धेरै २ अर्ब ५१ करोड खुद नाफा कमाएको छ। त्यस्तै नबिल बैंकले २ अर्ब ४६ करोड खुद नाफा कमाएको छ। यस अवधिमा सिटिजन्स बैंकको खुद नाफा सबैभन्दा कम अर्थात् १ करोड ६४ लाख रहेको छ। त्यस्तै कृषि विकास बैंकले ७ करोड ४९ लाख खुद नाफा कमाएको छ ।
२०८१ कार्तिकसम्मको र २०८२ कार्तिकसम्मको अपरिस्कृत खुद नाफा तुलना गर्दा प्रतिशतको आधारमा १५ वटा बैंकको खुद नाफा घटेको छ। जस मध्ये सिटिजन्स बैंकको खुद नाफा सर्वाधिक ९६.२५ प्रतिशत घटेको छ भने नेपाल इन्भेष्टमेन्ट मेगा बैंकको खुद नाफा ६५.३५ प्रतिशत घटेको छ। त्यस्तै लक्ष्मी सनराइज बैंकको खुद नाफा ४१.२६ प्रतिशत घटेको छ ।
२०८१ कार्तिकसम्मको र २०८२ कार्तिकसम्मको अपरिस्कृत खुद नाफा तुलना गर्दा प्रतिशतको आधारमा कृषि विकास बैंकको खुद नाफा सर्वाधिक १३२.९० प्रतिशत बढेको छ । त्यस्तै राष्ट्रिय वाणिज्य बैंकको खुद नाफा १०५.२३ प्रतिशत तथा सानिमा बैंकको खुद नाफा १९.६५ प्रतिशत बढेको छ ।
हेर्नुस् आर्थिक वर्ष २०८१/८२ र २०८२/८३ को पहिलो ४ महिनामा वाणिज्य बैंकको खुदनाफाको तुलनात्मक विवरण । रकम रु. १० लाखमा देखाईएको छ।
