सागर डिस्टिलरी लिमिटेडले चालु आर्थिक वर्ष २०८२/८३ को पहिलो त्रैमासको अपरिस्कृत वित्तीय विवरण प्रकाशन गरेको छ। प्रकाशित विवरण अनुसार यस अवधिमा कम्पनी १ करोड ५३ लाख रुपैयाँ घाटामा रहेको छ। अघिल्लो आर्थिक वर्षको यसै अवधिमा कम्पनी १ करोड ७५ लाख घाटामा थियो।
समीक्षा अवधिमा कम्पनीको बिक्री आम्दानी २ करोड ५३ लाखबाट बढेर ५ करोड ९९ लाख पुगेको छ । कम्पनीको ब्याज खर्च ५३ लाख ११ हजारबाट बढेर ६९ लाख ५० हजार पुगेको छ ।
७२ करोड ६० लाख चुक्ता पुँजी रहेको कम्पनीको अन्य इक्विटीमा २१ करोड ८६ लाख रुपैयाँ रहेको छ। यस अवधि कम्पनीको प्रति शेयर आम्दानी ८ रुपैयाँ ४४ पैसा ऋणात्मक रहेको छ । कम्पनीको प्रतिशेयर नेटवर्थ १०३ रुपैयाँ ४७ पैसा रहेको छ।
कम्पनीले हालै मात्र आम सर्वसाधारणलाई आईपीओ निष्काशन गरेको थियो । आईपीओ निष्काशनपछि सर्वजनिक पहिलो रिपोर्टमा नै कम्पनी घाटामा देखिएको हो। कम्पनीले आईपीओ निष्काशनको लागि धितोपत्र बोर्डमा बुझाएको विवरणमा भने कम्पनी नाफामा थियो।
