राधी विद्युत कम्पनीले चालु आर्थिक वर्ष २०८२/८३ को पहिलो त्रैमासको अपरिस्कृत वित्तीय विवरण प्रकाशन गरेको छ। यस अवधिमा कम्पनीको खुद नाफा ८११ प्रतिशतले बढेर २७ करोड ८५ लाख पुगेको छ। अघिल्लो आर्थिक वर्षको यसै अवधिमा कम्पनीको खुद नाफा ३ करोड ५ लाख रुपैयाँ थियो।
समीक्षा अवधिमा कम्पनीको विद्युत बिक्रीको आम्दानी ३ करोड ८८ लाखबाट बढेर ४ करोड ६ लाख पुगेको छ । यस अवधिमा कम्पनीले ३५ करोड ७० लाख अन्य आम्दानी गरेको छ। जुन कम्पनीले शेयर बिक्रीबाट गरेको आम्दानी भएको देखिन्छ । अन्य आम्दानी उलेख्य बढ्दा कम्पनीको खुद नाफा बढेको हो। यस अवधिमा कम्पनीको ब्याज खर्च ३१ लाख १७ हजारबाट बढेर ७६ लाख ६६ हजार पुगेको छ।
यस अवधिमा कम्पनीको वार्षिकीकरण गरिएको प्रति शेयर आम्दानी ६०.५८ रुपैयाँ रहेको छ भने प्रति शेयर नेटवर्थ १८०.८४ रुपैयाँ रहेको छ। यस अवधिमा कम्पनीको चुक्ता पुँजी १ अर्ब ८३ करोड रुपैयाँ रहेको छ ।
